पछिल्लो २४ घण्टामा,प्रदेश १ मा ९५ जना नयाँ संक्रमित भेटिए

0
53

 प्रदेश १ मा पछिल्लो २४ घण्टामा कोरोना भाइरसका नयाँ ९५ जना संक्रमित भेटिएका छन् । एक हजार एक सय ७६ जनाको स्वाब संकलन गरेर पीसीआर परीक्षण गराउँदा ३२ महिला र ६३ पुरुषको रिपोर्ट पोजिटिभ आएको हो । परीक्षण गरिएकामध्ये एक हजार ८१ जनाको रिपोर्ट नेगेटिभ आएको सामाजिक विकास मन्त्रालयले जनाएको छ । संक्रमण पुष्टि भएकामध्ये सबैभन्दा बढी मोरङका ४५ जना छन् । 

मोरङमा पनि प्रदेश राजधानी विराटनगरका ४२ जना रहेका छन् । विराटनगरमा २१/२१ जना महिला र पुरुषमा संक्रमण पुष्टि भएको हो । सुनसरीका ३७, झापाका नौ, संखुवासभाका दुई र प्रदेश १ बारिहका दुई जनामा संक्रमण देखिएको छ । 

विराटनगरबाहेक मोरङको लेटाङकी एक महिला, पथरीशनिश्चरे र रंगेलीका एक/एक पुरुषको रिपोर्ट पोजेटिभ आएको छ । सुनसरीको दुहवीका १४ पुरुष, इटहरीका चार महिला, चार पुरुष, इनरुवाका एक महिला, पाँच पुरुष, धरानका एक महिला, पाँच पुरुष, बर्जुका दुई र गढीका एक पुरुषमा संक्रमण पुष्टि भएको मन्त्रालयले जनाएको छ । 

उसका अनुसार झापाको कनकाइमा दुई महिला, छ पुरुष, झापा गाउँपालिकामा एक पुरुष, संखुवासभाको खाँदबारीमा एक पुरुष, स्थानीय तह नखुलेकी एक महिला र प्रदेश  १ बाहिरका एक महिला तथा एक पुरुषको रिपोर्ट पोजेटिभ आएको छ । 

प्रदेश १ मा आइतबारसम्ममा कोरोना भाइरसबाट संक्रमित हुनेको संख्या तीन हजार तीन सय ११ पुगेको छ ।

प्रदेश १ मा कोरोना संक्रमणबाट मृत्यु हुनेको संख्या ३२ पुगेको छ । प्रदेश १ स्थायी ठेगाना भएका २३ र नौ जना अन्य प्रदेशका रहेको सामाजिक विकास मन्त्रालयले जनाएको छ । 

LEAVE A REPLY

Please enter your comment!
Please enter your name here